PrestreMoutonHaisiau_Berlin-257.txt 568 B
Un prestres amoit une dame,
qui d’un chevalier estoit fame.
En l’ostel .i. mouton avoit,
qui par usage gens hurtoit.
.I. jor estoient asemblé,
et li mouton a esgardé
le prestre qui hocheit la teste.
Meintenant s’apensa la beste
qu’i le semonnoit de hurter.
De loinz s’esqueut a escousser.
Le prestre hurte en la coronne :
si tres douleros cop li done,
contre li estona la teste.
La dame n’en a point de feste
car cil ne se puet plus edier.
Huevre li covint a lessier.
Par ce vos veut Haiseaus moutrer
qu’il se fet bon de tot garder.
Explicit